Joseph Lalrinawma
Academy of Integrated Christian Studies
Pathian khawngaihna changin ka BD Thesis tur atana ka chhawp chhuah chu pawn sak ka ni a. Ka ngaihtuahna ka han seng ve chhin a, ka theih ang angin hma ka han la ve tan a. A tak a ka dai luh hma hauhin rilru tibuaitu lian tak ka nei ta tlat mai.
Rom 8 19 ah chuan "Thil siam zawng zawngte chuan beisei em emin, Pathian fate lo lanna chu an nghakhlel hle si." tih kan hmu a. Pathian zawn chhuah ram kan tih, he kan Mizoram ah ngei hian mizo te hi chu Christian a in chhal lo kan tlem hle mai. Mahse nungchate chunga kan rilru put hmang hi min beisei ang hi ani meuh angem le? Pathian fate awmna hmun chu thilsiam zawng zawngte tana zalenna hmun ani ngei tur ani si a. Nimahsela, kan dawr kawn ho-ah hian min nghakhlel em em tu te ruang chu meia na taka hliau an nih hnuin hralh atan kan la pho chhuak fo thin si a. Mi hausa leh sum pai nei deuh te hlei hlei hi chawhmeh tuhnai hmeh tam awm zawk tak si hian ram lam hla takah Laifei nen an chhuak fo thin bawk nen. A then te phei hi chu an mamawh vanga ram chhuak pawh hi an ni in ka hre lo. Nuam an tih vanga chhuak hi an tam in ka ring tlat ani (Ka ngaihdan mai mai!). Kan thiante thenkhat thusawi ka ngaihthlak thin hian rilru a khawih khawp zel mai. Khaw thenkhat an ram lui leh nungchate humhalha tan la te harsatna tawh thin chu khawpui mi hausa, hman tak tak , duty awm loh hun zanrei pawh pawh a chet pawisa lo ho hi an chelh loh thu an sawi ka hre ta fo mai.
Keini khua ngei pawhin kan man sak tak te pawh kha an awm ve in ka hria.
Pathian fate in ti siin a min lo hmuak tute kan lo chhawn dan hi a rawng mah mah lutuk deuh zawng ani e. Thingtlangpa ka ni a, ramsa tuihang tui bik zia ka hai bik hauhlo. Kan Pathian thu pawh hian kan ei atan hi chuan min phalsak ve tho in ka hria. Mahse kuthlei thil leh mamawh vang pawh ni lo a kan han tihlumte, hralhsum a tana kan han that teuh thin hi chu sim a va han hun teh lul em!
Kan lo la upa ve anga, nakinah chuan kan tu leh kan faten 'Kapi/Kapu sava hi enge?" tia min zawh hun chuan "Khi khi sava anih khi" tia kawh tur kan nei lo mai ang tih a hlauhawm ta hle mai. Tlaiberh leh Tukloh takngial pawh hre lo tunlai thangtharah pawh kan awm ta reng chu anih hi. Kan State Bird (Vavu) hi keipawh hian ka la hmu miah lo nia mawle! "Mizoram state bird chu an ei zo vek!" tia hnam dangin min nuihsawh hun hi a la thleng lo ang tih pawh a sawi rtheih tawh loh chu anih hi. Kan nula te hnam thuam a an inchei hian a mawi khawp zel mai, mit pawh a tlai thin e. Mahse kan pi pu ten a Sakuh kuh an hman thin kha tunah chuan Plastic in a thlak daih tawh. A lem ka tawnin kan khim mek chu anih ber hi.
Kan ram a nungchate hian Pathian fate lan hun hi an nghakhlel hle a, mahse an mahni ei zo tu tur zawk kan lang ta si. Lalpa'n duh taka a siam nungchate hi kan suat zel anih zawngin a siamtu lung kan ti awi thei dawn em ni? Kohhran hunpui a lo thlen apianga ran lamin an tawrh phah ziah mai te hi a tihdan danglam a hun tawh viau mai lo maw? Lalthar lo piang kan lawm apianga nunna kan pek let leh theih tawh miah loh tur kan han chhat zel mai te hi kan lawm chhan Lalber lung a awi angem le?
Academy of Integrated Christian Studies
Pathian khawngaihna changin ka BD Thesis tur atana ka chhawp chhuah chu pawn sak ka ni a. Ka ngaihtuahna ka han seng ve chhin a, ka theih ang angin hma ka han la ve tan a. A tak a ka dai luh hma hauhin rilru tibuaitu lian tak ka nei ta tlat mai.
Rom 8 19 ah chuan "Thil siam zawng zawngte chuan beisei em emin, Pathian fate lo lanna chu an nghakhlel hle si." tih kan hmu a. Pathian zawn chhuah ram kan tih, he kan Mizoram ah ngei hian mizo te hi chu Christian a in chhal lo kan tlem hle mai. Mahse nungchate chunga kan rilru put hmang hi min beisei ang hi ani meuh angem le? Pathian fate awmna hmun chu thilsiam zawng zawngte tana zalenna hmun ani ngei tur ani si a. Nimahsela, kan dawr kawn ho-ah hian min nghakhlel em em tu te ruang chu meia na taka hliau an nih hnuin hralh atan kan la pho chhuak fo thin si a. Mi hausa leh sum pai nei deuh te hlei hlei hi chawhmeh tuhnai hmeh tam awm zawk tak si hian ram lam hla takah Laifei nen an chhuak fo thin bawk nen. A then te phei hi chu an mamawh vanga ram chhuak pawh hi an ni in ka hre lo. Nuam an tih vanga chhuak hi an tam in ka ring tlat ani (Ka ngaihdan mai mai!). Kan thiante thenkhat thusawi ka ngaihthlak thin hian rilru a khawih khawp zel mai. Khaw thenkhat an ram lui leh nungchate humhalha tan la te harsatna tawh thin chu khawpui mi hausa, hman tak tak , duty awm loh hun zanrei pawh pawh a chet pawisa lo ho hi an chelh loh thu an sawi ka hre ta fo mai.
Keini khua ngei pawhin kan man sak tak te pawh kha an awm ve in ka hria.
Pathian fate in ti siin a min lo hmuak tute kan lo chhawn dan hi a rawng mah mah lutuk deuh zawng ani e. Thingtlangpa ka ni a, ramsa tuihang tui bik zia ka hai bik hauhlo. Kan Pathian thu pawh hian kan ei atan hi chuan min phalsak ve tho in ka hria. Mahse kuthlei thil leh mamawh vang pawh ni lo a kan han tihlumte, hralhsum a tana kan han that teuh thin hi chu sim a va han hun teh lul em!
Kan lo la upa ve anga, nakinah chuan kan tu leh kan faten 'Kapi/Kapu sava hi enge?" tia min zawh hun chuan "Khi khi sava anih khi" tia kawh tur kan nei lo mai ang tih a hlauhawm ta hle mai. Tlaiberh leh Tukloh takngial pawh hre lo tunlai thangtharah pawh kan awm ta reng chu anih hi. Kan State Bird (Vavu) hi keipawh hian ka la hmu miah lo nia mawle! "Mizoram state bird chu an ei zo vek!" tia hnam dangin min nuihsawh hun hi a la thleng lo ang tih pawh a sawi rtheih tawh loh chu anih hi. Kan nula te hnam thuam a an inchei hian a mawi khawp zel mai, mit pawh a tlai thin e. Mahse kan pi pu ten a Sakuh kuh an hman thin kha tunah chuan Plastic in a thlak daih tawh. A lem ka tawnin kan khim mek chu anih ber hi.
Kan ram a nungchate hian Pathian fate lan hun hi an nghakhlel hle a, mahse an mahni ei zo tu tur zawk kan lang ta si. Lalpa'n duh taka a siam nungchate hi kan suat zel anih zawngin a siamtu lung kan ti awi thei dawn em ni? Kohhran hunpui a lo thlen apianga ran lamin an tawrh phah ziah mai te hi a tihdan danglam a hun tawh viau mai lo maw? Lalthar lo piang kan lawm apianga nunna kan pek let leh theih tawh miah loh tur kan han chhat zel mai te hi kan lawm chhan Lalber lung a awi angem le?
